Sophia (robot)

An Sophia sarong social humanoid robot naimbento kan kompanyang base sa Hong Kong Hanson Robotics.^[1] Si Sophia pig'aktibar kan Pebrero 14, 2016,^[2] asin enot na nagluwas asin pigpresenmtar sa publiko kan katangaan nin Marso 2016 sa South by Southwest (SXSW) sa Austin, Texas, Estados Unidos.^[3] Si Sophia pigbebenta komo sarong "social robot" na pwedeng mag'arog-arog kan husoy-husoy nin tawo asin magpatalubo nin pagkamoot sa tawo.^[1]^[4]

Si Sophia biyong natambara na sa hampang nin media sa bilog na kinaban, asin nagpartisipar sa dakul nang mga high-profile na mga interbyu. Kan Oktobre 2017, si Sophia winarasan nin Saudi Arabian citizenship, na mangyari siya an pinakaenot na robot na binadoan nin legal na personalidad nin sarong nasyon.^[5] Kan Nobyembre 2017, si Sophia nata'wan gawad bilang pinakaenot na Innovation Champion kan United Nations Development Programme, asin pinakaenot na bakong-tawong personalidad na ginawadan nin titulo kan United Nations.^[6]

Susog sa kagmukna kaini na si David Hanson, an source code ni Sophia mga 70% open source.^[7]

[FOOTNOTEGreshko2018-1] 1.0 ^1.1 Greshko (2018).

[FOOTNOTEMallonee2018-2] Mallonee (2018).

[3] Raymundo (2016)

[FOOTNOTEHanson2019-4] Hanson (2019).

[FOOTNOTEReynolds2018-5] Reynolds (2018).

[FOOTNOTEUNDP2017-6] UNDP (2017).

[FOOTNOTEJewell2018-7] Jewell (2018).

[1]

[2]

[3]

[4]

[5]

[6]

[7]