M. Dorothy George

M. Dorothy George
Kamundagan	Mary Dorothy George 1878 (1878) London, England
Kagadanan	1971 (1972) (edad 93) London, England
Trabaho	Historyador, [[Historyador sa Arte ]]
Midbid bilang	Cataloguing satire collection of the British Museum

Si Mary Dorothy George (1878–1971), née Gordon, sarong Briton na historyador na midbid sa saiyang pagtipon kan ultimong pitong tomo kan Catalogue of Political and Personal Satires Preserved in the Department of Prints and Drawings in the British Museum, na iyo an primaryang toltolan na obra sa pag'adal kan Briton satirical prints kan ika-18ng siglo asin ika-19ng siglo.

Edukasyon

Nag'adal sa Cambridge University, siya naggradwar kan 1899 na may first class degree sa History. Durante kan Enot na Gerang Pankinaban siya nagtrabaho sa British Intelligence o MI5; bago nagbalik sa academia bilang research scholar sa London School of Economics.

Trabaho sa British Museum

An trabaho ni George sa BM Satires, nagpoon kan 1930 sa pag'alok kan Museum Trustees, na ini sarong kanigoan na pagtrabaho na hararom na scholarship sa pagtaong sistema kan kadakulang corpus nin dai pa dokumentadong mga materyal asin pagrekord kaini kan komplikadong konteksto historikal. An saiyang trabaho nagsakop nin sobra sa 13,000 mga prints gikan sa "golden age" nin Briton na satirical printmaking asin an mga artistang imbwelto igdi iyo sinda Matthew Darly, James Sayers, Robert Dighton, James Gillray, Thomas Rowlandson, Isaac Cruikshank, Richard Newton. Charles Williams, William Heath, Isaac Robert Cruikshank asin George Cruikshank, asin dakul pang iba. An mga entri sa katalogo pinag-scan bilang parte kan proyekto kan British Museum nin pasiging digitalisation kan koleksyon kaini asin iyo an popoonan na base sa dakulon na mga entri sa on-line catalogue kan British Museum.

Bibliograpiya

• George, M Dorothy (1928). England in Johnson's Day. 
• George, M Dorothy (1931). England in Transition: Life and Work in the Eighteenth Century. Routledge. 
• George, M Dorothy (1935–1954). Catalogue of Political and Personal Satires Preserved in the Department of Prints and Drawings in the British Museum. 5 (1935) to 11 (1954). British Museum. 
• George, M Dorothy (1959). English Political Caricature. 2 Vols. Oxford University Press. 
• George, M Dorothy (1964). London Life in the Eighteenth Century. 
• George, M Dorothy (1967). Hogarth to Cruikshank: Social Change in Graphic Satire. Viking. 

Hilnga man

• Catalogue of Political and Personal Satires Preserved in the Department of Prints and Drawings in the British Museum
• Lista nin mga historyador

Mga panluwas na takod

• Portrait photograph of Mary Dorothy George in the National Portrait Gallery, London
• British Museum online collections